Գանձակի բնակիչների փառքի ճանապարհը գյուղից դուրս է տանում

Գյուղացիները կարկտահարությունից կրած վնասների փոխհատուցման պահանջով այսօր 4 ժամ շարունակ փակել էին Երեւան - Արմավիր միջպետական ճանապարհը:

Մայիսի 20-ին ՀՀ վարչապետ Տիգրան Սարգսյանը ԱԺ-ին ներկայացրեց կառավարության գործունեության ծրագիրը:

Երեւանի մի քանի նորակառույց շենքերի շուրջ 150 բնակիչները «Տոնուս» շինարարական ընկերությունից ստանալով իրենց բնակարանները, հանկարծ հայտնաբերել են, որ սնանկ ճանաչված «Տոնուսը» նորակառույց բնակարանները որպես գրավ հանձնել է «Արցախ» բանկին:

Խորհրդարանում մեծամասնություն ունեցող Հանրապետականը (ՀՀԿ) դեմ արտահայտվեց մարտի 1-ի դեպքերն ուսումնասիրող նոր ժամանակավոր հանձնաժողով ստեղծելուն: Այդպիսով Հայ ազգային կոնգրեսի (ՀԱԿ) հեղինակած նախագիծը մերժվեց:

Վարչապետ Տիգրան Սարգսյանի փոխանցմամբ, Ռուսաստանում այսօր բանակցություններ են ընթանում Հայաստանին մատակարարվող գազի շուրջ: Ազգային ժողովում վարչապետն այսօր նշեց, որ ամենաբարձր մակարդակով ընթացող բանակցությունների նպատակը գազի գինը նվազեցնելու կամ սուբսիդավորելու հնարավորություններ գտնելն է:

Գյումրիի քաղաքապետի փոփոխությունից հետո ջրի երես դուրս եկան նախկին քաղաքապետ Վարդան Ղուկասյանի պաշտոնավարման ընթացքում կուտակված պարտքերը: Պարզվում է, նախկին քաղաքապետը միլիոնավոր պարտքեր է ունեցել հենց իր ընտանիքին պատկանող ընկերությանը: Գործող քաղաքապետն ուռճացված է համարում այդ պարտքն ու հրաժարվում վճարել:

Նախագահի նախկին թեկնածու, Ժառանգություն կուսակցության առաջնորդ Րաֆֆի Հովհաննիսյանը հայտարարեց, որ Նոր Հայաստան քաղաքացիական ազգային շարժումը կայացնելու նպատակով ամառային ամիսների ընթացքում հանդիպումներ է անցկացնելու մարզերում եւ սփյուռքում, իսկ արդեն աշնանը փորձելու է որոշակի ձեւաչափ տալ այս շարժմանը: Հովհաննիսյանն այսօր հերթական դահլիճային հանդիպումն էր կազմակերպել:

Գագիկ Ծառուկյանը Րաֆֆի Հովհաննիսյանի հետ ունեցած հանդիպումներում բացառել է, որ երբեւէ դեմ կգնա գործող իշխանություններին: Այդ մասին Ժառանգություն կուսակցության առաջնորդը պատմեց այսօր` պատասխանելով Ազատություն ռադիոկայանի հարցին, թե արդյոք անակնկալ էր իր համար Ծառուկյանի այն հայտարարությունը, որ Բարգավաճ Հայաստանը չի կարող ընդդիմություն դառնալ.

Սեյրան Օհանյանի խոսքով, զինծառայողի մահվան առնչությամբ զորամասի պաշտոնատար անձինք կազատվեն պաշտոններից ծառայողական պարտականությունների մեջ թերանալու համար:

Կառավարության շենքի դիմաց բողոքի ակցիա էին անցկացնում սպանված զինվորների մայրենրն ու մի խումբ ակտիվիստներ եւ պահանջում էին վարչապետից բացատրություններ՝ ճանապարհները փակելու համար:

Հայաստանի պաշտպանության նախարար Սեյրան Օհանյանը գնացել է զոհված զինծառայողի ծնողներին ընդառաջ` տեղում հանդիպելու, լսելու նրանց դժգոհությունները: Առավոտյան Տավուշի մարզի զորամասերից մեկում մայիսի 15-ին սպանված 19-ամյա զինծառայող Լյուքս Ստեփանյանի հայրը` Իշխան Ստեփանյանը պատրաստվում էր որդու դին Գեղարքունիքի մարզի Վերին Գետաշեն գյուղից բերել Երեւան` ի նշան բողոքի։

«Ազատություն» ռադիոկայանի նկարահանող խումբը մեկ օր է անցկացրել Կրթության եւ գիտության նախարար Արմեն Աշոտյանի հետ:

Արժույթի միջազգային հիմնադրամը (ԱՄՀ) պատասխանատվություն է կրում այսօր երկրում ստեղծված իրավիճակի համար, «Ազատություն» ռադիոկայանի հետ զրույցում համոզմունք հայտնեց նախկին վարչապետ, ՀԱԿ խմբակցության պատգամավոր Հրանտ Բագրատյանը` անդրադառնալով հիմնադրամի ներկայացուցիչների կողմից Հայաստանի իշխանությունների հասցեին հնչեցրած սուր գնահատականներին:

ՀՀ-ում ԱՄՆ դեսպան Ջոն Հեֆերնի կարծիքով Հայաստանում գործարարար ոլորտի բարելավման համար անհրաժեշտ են «արագ եւ լրացուցիչ քայլեր»:

«Ժառանգություն» կուսակցության փոխնախագահ, Երեւանի նորընտիր ավագանիում «Բարեւ, Երեւան» դաշինքը գլխավորող Արմեն Մարտիրոսյանը այսօր հայտարարեց, որ Երեւանի ավագանու ընտրությունները տասը քայլով հետ էին վերջին եւ նախագահական, եւ խորհրդարանական ընտրություններից, բայց ավագանու մանդատները վերցնելը ապօրինի այդ ընտրության արդյունքները լեգիտիմացնել չի նշանակում:

«Սպայկա» ընկերության շենքի մոտ, որտեղ լույս հինգշաբթի գիշերը բռնկված հրդեհը հաջողվել էր մարել միայն կեսօրից հետո, այսօր հրշեջներ են հերթապահում:

Երիտասարդ կինոռեժիսոր Հայկ Համբարձումն իր ֆիլմերի միջոցով բացահայտում է իր հայկական ինքնությունը: Ամերիկյան կրթություն սատցած երիտասարդ ռեժիսորը իր առաջին լուրջ աշխատանքները սկսել է հայկական թեմաներից՝ էկրանավորելով Բակունցի «Միրհավը», «Մեծարենցը», Տիգրան Մանսուրյանի մասին ֆիլմը:

Շամլուղի բաց հանքը բնապահպաններին մտահոգության պատճառ է դարձել, ոչ միայն ոչնչացվում են կանաչ տարածքները, այլեւ պոչամբարները խիստ բացասական ազդեցություն են ունենում ինչպես Շամլուղի, այնպես էլ հարակից գյուղերի բնակիչների առողջության վրա: Հանքը շահագործող ընկերությունը թույլ չի տվել բնապահպաններին անգամ վերեւից դիտել հանքի աշխատանքները:

Սոցիալական ապահովության պետական ծառայության նախկին ղեկավար Վազգեն Խաչիկյանի եւ աշխատանքի եւ սոցիալական հարցերի նախարարության նախկին 13 պատասխանատու աշխատակիցների դեմ հարուցված քրեական գործով մայիսի 16-ին 17 վկա հարցաքննվեց Աջափնյակ եւ Դավթաշեն վարչական շրջանների ընդհանուր իրավասության դատարանում:

Տավուշի մարզի զորամասերից մեկում տեղի ունեցած արտակարգ միջադեպի առնչությամբ մեկ ձերբակալված կա. ինչպես տեղեկացանք Պաշտպանության նախարարության Քննչական ծառայությունից, ձերբակալվածը 20-ամյա ժամկետային զինծառայող, շարքային Դավիթ Խաչատրյանն է, ով կասկածվում է ծառայակիցներից մեկին սպանելու, մյուսին ծանր վնասվածք հասցնելու մեջ:

Կառավարության մայիսի 16-ին նիստում վարչապետ Տիգրան Սարգսյանը, անդրադառնալով գազի սակագնի բարձրացման հարցին, հայտարարեց, որ պաշտոնական նամակ է ուղարկել Հանրային ծառայությունները կարգավորող հանձնաժողովի նախագահին սակագնի վերանայման կապակցությամբ: «Իմ նամակում, որը ես հղել եմ Ռոբերտ Նազարյանին, մենք արձանագրում ենք, որ Հայաստանի Հանրապետության կառավարությունը 30 տոկոսով սուբսիդավորելու է գազի սակագինը», - հայտարարեց վարչապետը:

Մայիսի 16-ին փակ շուկայի դիմաց բողոքի ակցիա անցկացվեց՝ Երեւանի ավագանու ընտրություններից հետո շուկայի տարածքում վերսկսված «ապօրինի շինարարությունը դադարեցնելու» պահանջով:

Կեսգիշերին մոտ հրդեհ է բռնկվել Երեւանի Արշակունյաց պողոտայի վրա գտնվող «Սպայկա» ընկերությունում: Հրդեհը հաջողվել է մարել միայն այսօր կեսօրին: Նախնական տվյալներով, այրվել է եռահարկ շինությունն ամբողջությամբ` 4500 քառակուսի մետր մակերեսով: Տուժածներ չկան:

Հայաստանի ժողովրդական կուսակցության նախագահ Ստեփան Դեմիրճյանը ընդդիմություն չի համարում «Բարգավաճ Հայաստան» կուսակցությունը: Լրագրողների հետ հանդիպմանը ԲՀԿ-ի ընդդիմադիր լինել-չլինելու մասին հարցերին Դեմիրճյանն արձագանքեց. - «ԲՀԿ-ն եթե չի հայտարարել, որ ընդդիմություն է, դուք ինչո՞ւ եք այդ հարցը ինձ տալիս»:

Մայիսի 16-ին Կառավարության շենքի առջեւ մի խումբ քաղաքացիներ եւ քաղաքական տարբեր ուժերի ներկայացուցիչներ բողոքի ակցիա եւ ստորագրահավաք են անցկացրել՝ ընդդեմ գազի սակագնի հնարավոր բարձրացման:

«Ազատություն» TV-ի ստուդիայում վերլուծաբան Հակոբ Բադալյանը եւ լրագրող Պետրոս Ղազարյանը քննարկում են ԲՀԿ առաջնորդ Գագիկ Ծառուկյանի մայիսի 14-ին արված հայտարարությունը, թե «ԲՀԿ-ն չի կարող ընդդիմություն դառնալ», զրույցը վարում է Ռուզաննա Ստեփանյանը:

Արմավիրի մարզի բնակիչները ձախողեցին Գյուղատնտեսության նախարարության կազմակերպած դաշտային սեմինարը:

Գյումրիի քաղաքապետ Սամվել Բալասանյանը մայիսի 15-ին խոհրդակցության էր հրավիրել Գյումրիում ջրագիծ անցկացնող կազմակերպության ներկայացուցիչների եւ պահանջում էր շտկել ստեղծված իրավիճակը: Գյումրիի փողոցների անբարեկարգ վիճակին գումարվել է ջրմուղի աշխատանքները, որի հետեւանքով անանցանելի են դարձել ճանապարհները:

Արմավիրի մարզի կարկտահարված գյուղերի բնակիչները մայիսի 15-ին կրկին փորձել են փակել մայրուղին, սական հանդիպել են ոստիկանական պատնեշի:

ԲՀԿ-ի բոլոր քայլերը ցույց են տալիս, որ այն իրեն պահում է որպես ընդդիմադիր ուժ, ասում է ընդդիմադիր ՀԱԿ կուսակցության փոխնախագահը:

Մայրաքաղաքի անցորդները վերլուծում են մայիսի 14-ին՝ Գագիկ Ծառուկյանի հայտարարությունը, որում ասել է. «ԲՀԿ-ն չի կարող ընդդիմություն դառնալ»:

Արմավիրի մարզի Մրգաշատ գյուղի բնակիչները բողոքում են քանդված, ոչ ասֆալտապատ ճանապարհներից եւ հրավիրում նախարարներին անձրեւոտ օրերին իրենց այցելել նավակներով:

6 ամիս առաջ Միացյալ Նահանգներ տեղափոխված 15-ամյա Արտոն Գլենդեյլում ընտանեկան փոքրիկ ռեստորանում խորոված է անում: Հայկական խորովածի ավանդական եղանակը նա ստիպված է եղել հարմարեցնել ամերիկյան օրենքին: Տեղական իշխանությունները վերջին շրջանում արգելել են բացօթյա ծուխը:

«Բարգավաճ Հայաստան» կուսակցությունը չի կարող ընդդիմություն դառնալ: Այս մասին մայիսի 14-ին Աբովյանում, Սուրբ Հովհաննես եկեղեցու բացման արարողության ժամանակ հայտարարեց ԲՀԿ ղեկավար Գագիկ Ծառուկյանը` այդ կերպ վերջ դնելով խոսակցություններին, թե իրեն այլընտրանք հռչակած քաղաքական ուժը կարող է ընդդիմություն դառնալ:

Երեւանի նոր ավագանու անդամների անունները հայտնի են: ՀՀԿ-ն նոր ավագանիում կունենա մեծամասնություն` 42 անդամ, «Բարգավաճ Հայաստան»-ը` 17, «Բարեւ, Երեւան» դաշինքը` 6:

Մայիսի 14-ին Աբովյանի նորակառույց Սուրբ Հովհաննես եկեղեցու օծման արարողությունից հետո եկեղեցու բակում ապշեցուցիչ տեսարան էր:

Մայիսի 14-ին Կառավարության շենքի դիմաց շարունակվեց ազատամարտիկների բողոքի ակցիան: Ղարաբաղյան պատերազմի մասնակից մի քանի տասնյակ վետերաններ պահանջում են թոշակների բարձրացում եւ բժշկական ապահովագրություն: Կառավարության ներկայացուցչի խոսքով նրանց պահանջներին գրավոր պատասխան կտրվի ամենաուշը հունիսի 6-ին:

Հայաշատ Գլենդեյլի «Maple park» անունով այգում ամերիկաբնակ հայ թոշակառուները նարդու սեղանի շուրջ քննարկում են Հայաստանի ներքաղաքական խնդիրները:

Հայաստանի նախագահի նախկին թեկնածու Պարույր Հայրիկյանի դեմ սպանության փորձի գործով դատական առաջին նիստն այսօր մեկնարկելուն պես հետաձգվեց մինչեւ մայիսի 20-ը:

«ՀայՌուսգազարդ»-ը ցանկանում է շուրջ 64 տոկոսով բարձրացնել գազի սակագինը` հազար խորանարդ մետրի համար ներկայիս 132 հազար դրամը դարձնելով 221 հազար դրամ: Ընկերությունը մայիսի 14-ին պաշտոնապես դիմել է Հանրային ծառայությունները կարգավորող հանձնաժողով` առաջարկելով բարձրացնել նաեւ մեծածախ գազի եւ օպերատորի մատուցած մի շարք ծառայությունների սակագները:

Մայիսի 13-ից 19-ը Երեւանում տերբեր թատերական խմբեր եւ անհատներ ներկայանալու են արվեսի տարբեր ոլորտներում միաժամանակ` թատերական արվեստ, կինոարվեստ, կերպարվեստ: Փառատոնի բացման արարողությունը կայացավ բացօթյա՝ մի շարք մշակութային գործիչների ներկայությամբ:

Անցած տարի Սիրիայից Հայաստան տեղափոխված Ջաբախչուրյանների ընտանիքը 2 ամիս է, ինչ Երեւանի կենտրոնում փոքրիկ հացատուն է բացել, հայր ու տղա են աշխատում: Հիմնական ուտեստը՝ լահմաջոն, որդին՝ Կայծակն է պատրաստում: «Եկամուտը Հալեպի համեմատությամբ մեծ չէ, բայց աշխատել է պետք»,- ասում են նրանք:

Բելառուսի նախագահ Ալեքսանդր Լուկաշենկոն, ով պաշտոնական այցով Հայաստան էր ժամանել երեկ, այսօր Հայաստանի նախագահի նստավայրում բանակցություններ է վարել Սերժ Սարգսյանի հետ:

Նախօրեին տեղացած կարկուտը մեծ ավերածություններ է գործել Արմավիրի մարզի մոտ երեք տասնյակ գյուղերում:

Երեւանի Մալաթիա Սեբաստիա համայնքի Րաֆֆու փողոցի մի քանի տասնյակ տասնամյա ծառեր են հատվել, դրանց փոխարեն տնկվել են նորերը: Ծառահատումն իրականացվել է բարեկարգման եւ կանաչապատման անվան տակ: Ըստ Թաղապետարանի կանաչապատման բաժնի ներկայացուցչի` հատված ծառերը «խոչընդոտել են գազոնի աճին»:

Մայիսի 12-ին Արմավիրում տեղացած ուժեղ կարկուտի հետեւանքով տուժել են տասնյակ գյուղեր: Կարկուտից տուժած շուրջ 30 գյուղերի բնակիչներ այսօր հավաքվել են Մրգաշատի գյուղամեջում՝ պահանջելով իրենց քվեները ստացած նախագահի եւ կառավարության անդամների հետ հանդիպում, կարկուտի հասցրած վնասների փոխհատուցում եւ վարկերի սառեցում:

Երեւանի նորընտիր ավագանիում, ըստ ԿԸՀ-ի` երեկ հրապարակած վերջնական արդյունքների, ՀՀԿ-ն կունենա 42, ԲՀԿ-ն` 12, «Բարեւ Երեւան»-ը` 6 անդամ: «Բարգավաճ Հայաստան» կուսակցությունը, չնայած դժգոհ է մայիսի 5-ի ընտրությունների անցկացման որակից, որոշել է վերցնել մանդատները:

Մայիսի 13-ին մոտ 50 ազատամարտիկներ Ազատության հրապարակից բողոքի երթով շարժվեցին կառավարության շենք` իրենց պահանջներով նամակը իշխանություններին հանձնելու համար: Վետերաններն այժմ մոտ 40-80 հազար դրամ կենսաթոշակ են ստանում, պահանջում են, որ կենսաթոշակի չափը հասցվի 100-200 հազար դրամի:

Թբիլիսյան խճուղու վրա գտնվող կիսաքանդ հանրակացարանի շենքում ապրում են նաեւ պետության կողմից բնակարաններ չստացած մոտ մեկ տասնյակ մանկատան սաներ: Շենքը բառացիոերն քանդվում է, կոյուղաջրերը հավաքվել են նկուղում ու քայքայում են շենքի հիմքերը:

Գնդապետ Վոլոդիա Ավետիսյանը իր եւ մարտական ընկերների անունից բողոքում է զինվորականներին հատկացվող ցածր թոշակից: Կառավարության ուշադրությունը այս հարցին հրավիրելու նպատակով գնդապետը մինչեւ մայիսի 14-ը նստացույց է հայտարարել:

Երեւանի ավագանու ընտրություններից հետո սկսված քվեաթերթիկների վերահաշվարկի գործընթացը ավարտվեց` ընտրության արդյունքների վրա էական ազդեցություն չթողնելով, ուրբաթ օրը «Ազատություն» ռադիոկայանի հետ հարցազրույցում ասաց Կենտրոնական ընտրական հանձնաժողովի (ԿԸՀ) նախագահ Տիգրան Մուկուչյանը:

Գյումրիում փողոցների անբարեկարգ վիճակը քիչ էր, դրան գումարվել են ջրմուղի աշխատանքները, որի հետեւանքով անանցանելի են դարձել ճանապարհները: Քաղաքապետարանի հաշվարկներով միայն փոսային նորոգումների համար անհրաժեշտ է չափազանց մեծ գումար՝ 6 միլիարդ դրամ:

ԱՄՆ Գլենդեյլ քաղաքի ամերիկյան դպրոցներում ընթացիկ տարվանից հայոց լեզուն մտցվել է որպես ոչ պարտադիր առարկա, հաշվի առնելով այդ դպրոցներում ազգությամբ հայ աշակերտների մեծ թիվը, որը կազմում է աշակերտների ընդհանուր թվի վաթսունհինգ տոկոսը: Իսկ հայկական դպրոցներում հայոց լեզուն հանդիսանում է երկրորդ լեզու՝ անգլերենից հետո:

ՀՀ-ում ԱՄՆ դեսպան Ջոն Հեֆերնը կարծում է, որ Հայաստանում ընտրությունների միջոցով իշխանափոխություն կլինի այն դեպքում, «եթե ընդդիմությունն ավելի շատ աշխատի եւ տեր կանգնի իր քվեներին, ինչպես նաեւ հետեւողականորեն քննվեն արձանագրված ընտրախախտումների դեպքերը»:

Պաշտոնական Բրյուսելը հուսով է՝ առաջիկա նոյեմբերին Վիլնյուսում տեղի ունենալիք գագաթնաժողովում արդեն նախաստորագրել Հայաստանի հետ ասոցացման համաձայնագիրն ու ազատ առեւտրի գոտու մասին պայմանագիրը: Այդ մասին «Ազատություն» ռադիոկայանի հետ հարցազրույցում ասել է Եվրամիության ընդարձակման հարցերով հանձնակատար Շտեֆան Ֆյուլեն, նշելով, որ Բրյուսելը լուրջ եւ տեսանելի առաջընթաց է ակնկալում այդ հանդիպումից: :

Նախկին խորհրդային բոլոր երկրներում մայիսի 9-ին նշել են Գերմանիայի դեմ տարած հաղթանակի 68-րդ տարեդարձը:

Ընդդիմադիր «Ժառանգություն» կուսակցության առաջնորդ Րաֆֆի Հովհաննիսյանն այսօր Ազատության հրապարակում լրագրողների հետ հանդիպմանը հայտարարեց, որ եկել է ասելու՝ պայքարը շարունակվում է։

Մեծ հայրենական պատերազմի մասնակից գյումրեցի վետերանները մայիսի 9-ին այցելել է Մայր Հայաստան հուշահամալիր, այնուհետ մասնակցել Գյումրիում տեղակայված 102-րդ ռուսական ռազմաբազայում կազմակերպված հանդիսությանը: Այստեղ անցկացվել է մեծ շքերթ եւ ցուցադրական վարժանք:

Մայիսի 8-ի երեկոյան թիվ 8 ընտրատարածքային ընտրական հանձնաժողովը մերժեց ՀԱԿ յուսակցության դիմումը ընտրատեղամասում քվեարկության արդյունքներն անվավեր ճանաչելու վերաբերյալ:

Երեւանի «Եռաբլուր» պանթեոնում մայիսի 9-ին շատ են մարդիկ, ծաղիկները, ուրախության ու տխրության արցունքները: Այս օրը այստեղ ննջողների շիրմաքարերին ծաղիկները սովորականից ավելի շատ են դրվում: Մարտական անունները սովորականից ավելի շատ են հնչում:

ՀՀ ոստիկանապետ Վլադիմիր Գասպարյանի համոզմամբ, նորմալ չէր, որ Երևանի ոստիկանությունը գլխավորում էր մի մարդ, ում որդին լայնածավալ բիզնես կառույցի ղեկավար է: Նման համոզմունք ոստիկանապետը հայտնեց մայիսի 9-ին Երեւանի Հաղթանակի զբոսայգում` անդրադառանլով Երևանի ոստիկանության երկարամյա պետ Ներսես Նազարյանի պաշտոնանկությանը:

Ոստիկանությունը միջոցներ է ձեռնարկում «Հետք» պարբերականի լրագրող Անի Հովհաննիսյանին սպառնացող անձին հայտնաբերելու ուղղությամբ: Ինչպես «Ազատություն» ռադիոկայանին փոխանցեց Ոստիկանության լրատվության վարչության պետ Աշոտ Ահարոնյանը, սկսվել են ստուգումներ, ուղարկվել են հարցումներ` լրագրողին սպառնացողի հեռախոսահամարի հետ կապված անհրաժեշտ տվյալները ճշտելու համար:

Արդեն երկրորդ տարին Հայրենական մեծ պատերազմին նվիրված լուսանկարների ցուցահանդես է կազմակերպվում Երեւանում: Այս անգամ ավելի քան 600 լուսանկարների եւ պաստառների ցուցադրություն էր Երեւանի մանկական եւ Սիրահարների այգիներում:

Երեւանի Շենգավիթ վարչական շրջանի Մանանդյան 23ա շենքի 38 հասցեում հաշվառված Արամայիս Մկրտչյանը, ով հարազատների պնդմամբ, երկար տարիներ է Ռուսաստանի Դաշնությունում է ու 5 տարի է Հայաստան չի եկել, պարզվում է մասնակցել է Երեւանի ավագանու քվեարկությանը:

ՀՀ պաշտպանության նախարարի ներկայացմամբ, Ադրբեջանը լրջորեն պատրաստվում է մարտական գործողությունների, ուստի հայկական կողմը լրջորեն պատսրատվում է «մեր հայրնեիքը պաշտպանելու»:

ՀՀ վարչապետ Տիգրան Սարգսյանի փոխանցմամբ, առաջիկա տարիներին նախատեսվող բարեփոխումները իշխանությունները տրամադրված են իրականացնել ընդդիմախոսների հետ միասին: Այս մասին վարչապետը հայտնեց մայիսի 9-ին Երեւանի Հաղթանակի զբոսայգում` արձագանքելով «Ազատություն» ռադիոկայանի հարցին:

Հայաստանը այսօր նշում է Հաղթանակի եւ խաղաղության տոնը։ 68 տարի առաջ այս օրը ազդարարվեց Հայրենական մեծ պատերազմի ավարտը: Աշխարհի բոլոր հայերի համար այսօր կրկնակի տոն է` նշվում է նաեւ Շուշիի ազատագրման 21-ամյակը:

Ազատություն TV-ի հյուրն է նախկին դատավոր Պարգեւ Օհանյանը: Հարցազրույցը վարում է «Ազատություն» ռադիոկայանի հայկական ծառայության ղեկավար Հրայր Թամրազյանը:

Վայոց ձորի նախկին մարզպետ, Երեւանի ավագանու ԲՀԿ ցուցակում 4-րդ հորիզոնականը զբաղեցնող Սերգեյ Բագրատյանը մեղադրվում է պաշտոնական դիրքը չարաշահելու եւ նախնական համաձայնությամբ առանձնապես խոշոր չափերով հափշտակություն կատարելու համար: Գործը ուղարկվել է հատուկ քննչական ծառայություն:

Երեւանի ավագանու ընտրությունների քվեարկությունից հետո նաեւ Հայ ազգային կոնգրես կուսակցության պահանջով սկսված վերահաշվարկի արդյունքների ամփոփումից հետո կուսակցությունը կդիմի վարչական դատարան:

Մայիսի 5-ին կատարվածը դժվար է ընտրություն համարել, «Ազատություն» ռադիոկայանի հետ զրույցում նման կարծիք հայտնեց նախկին արտգործնախարար, ԲՀԿ անդամ Վարդան Օսկանյանը։

ՀՀ կառավարությունը միջոցներ է հատկացրել արտագաղթի վիճակագրությունը պարզելու, այս ոլորտում հետազոտոթյուն իրականացնելու համար: Ըստ Միգրացիայի վարչության պետի տեղակալի, արտագաղթի պատկերի պաշտոնական թիվը պարզ կլինի միայն հետազոտութոյւնից հետո՝ աշնանը:

Վարչապետ Տիգրան Սարգսյանն մայիսի 8-ին իրենց աշխատակազմերին ներկայացրեց նորանշանակ նախարարներին, ինչից հետո տեղի ունեցավ նոր կազմով կառավարության անդրանիկ նիստը, որը վարեց հանրապետության նախագահ, իշխող Հանրապետական կուսակցության ղեկավար Սերժ Սարգսյանը: Խոսելով վերջին մեկ տարվա ընթացքում անցկացված խորհրդարանական, նախագահական, ինչպես նաեւ օրերս անցկացված Երեւանի ավագանու ընտրություններից, նախագահ Սարգսյանն ասաց, որ այդ ընտրությունները, մասնավորապես՝ համապետական, փորձություն են մեր երկրի եւ մեր երիտասարդ ժողովրդավարության համար:

«Մեր տունը» Հասարակական կազմակերպության կացարանում 4 տարով ապաստան են գտնում մանկատան 12-ից 14 շրջանավարտներ:

Երեւանի ավագանու ընտրություններից հետո առաջին անգամ «Բարգավաճ Հայաստանի» կուսակցության ցուցակի առաջին համարով ներկայացված Վարդան Օսկանյանը հարցազրույց է տվել Ազատություն ռադիկայանին: Հարցազրույցը վարում է Աստղիկ Բեդեւյանը:

Վճռաբեկ դատարանը չորեքշաբթի բեկանեց ընդդիմադիր ակտիվիստներ Տիգրան Առաքելյանի, Արտակ Կարապետյանի, Սարգիս Գեւորգյանի եւ Դավիթ Քիրամիջյանի գործով Վերաքննիչ դատարանի` անցյալ տարվա նոյեմբերի 13-ի վճիռը եւ գործը ուղարկեց նույն դատարան նոր քննության:

Վարչապետ Տիգրան Սարգսյանի առաջարկությամբ իշխող Հանրապետական կուսակցությունը հավանություն է տվել փետրվարին կայացած նախագահական ընտրությունների արդյունքում ձեւավորվելիք Կառավարության նոր կազմին: ՀՀԿ կենտրոնական գրասենյակում մայիսի 7-ի ուշ երեկոյան կայացած ՀՀԿ Գործադիր մարմնի նիստից հետո ՀՀԿ խոսնակ Էդուարդ Շարմազանովը լրագրողներին տեղեկացրեց, որ առաջարկվել է կառուցվածքային փոփոխություններ իրականացնել Կառավարության կազմում եւ Կառավարության աշխատակազմի ղեկավարին օժտել նաեւ նախարարի ֆունկցիայով:

«Ազատություն» ռադիոկայանի հայկական ծառայության ղեկավար Հրայր Թամրազյանի հարցազրույցը հայտնի գործարար Խաչատուր Սուքիասյանի հետ:

Համացանցում տեղադրվել է ապրիլի 9-ին նկարահանված մի տեսանյութ, որտեղ Երեւանի ավագանու թեկնածու Արմեն Մարտիրոսյանը հայտարարում է, թե իրեն 100 հազար դոլար կաշառք են առաջարկել, բայց ինքը հրաժարվել է: Ենթադրվում է, որ սա կարող է ոստիկանությունը տարածած լինել, քանի որ տեղի է ունեցել Մարտիրոսյանին ոստիկանություն բերման ենթարկելիս: Ոստիկանությունը սա հերքող տեսանյութ է տարածել:

Ռադիոյի միջոզգային օրը ռադիոհաղորդավորներն ու ռադիոլրագրողները՝ ողջ անձնակազմով շարունակում են աշխատել ունկնդիրների համար՝ ինչպես ամեն օր:

Արտգործնախարար Էդվարդ Նալբանդյանի հրավերով մայիսի 6-7-ը պաշտոնական այցով Երեւանում է Չեռնոգորիայի փոխվարչապետ, արտաքին գործերի եւ եվրոպական ինտեգրման նախարար Իգոր Լուկշիչը:

Թեպետ առողջապահության նախարարության պատասխանատուները վստահեցնում են, որ համաբուժարաններում շաքարային դիաբետով հիվանդների դեղորայքի խնդիր չունեն եւ ժամանակին բաշխում են նրանց համար նախատեսված անվճար դեղերը, սակայն հիվանդները վստահեցնում են, որ վիճակն այս ոլորտում բոլորովին այլ է:

«Բարեւ, Երեւան» դաշինքի ցուցակը գլխավորող Արմեն Մարտիրոսյանը հակված է, որ դաշինքը չհրաժարվի մանդատներից` աշխատանքի անցնելով Երեւանի նոր ավագանիում:

«Բարեւ Երեւան» կուսակցությունների դաշինքն այսօր Ոստիկանություն կդիմի՝ խնդրելով պարզաբանել թիվ 11/02 ընտրատեղամասի երկու ընտրողների հետ կապված իր կասկածները: Դաշինքի պահանջով մայիսի 7-ին վերահաշվարկ կատարվեց Շենգավիթ եւ Էրեբունի վարչական շրջանները ներառող թիվ 11 ընտրատարածքում:

ՀԱԿ-ը մտադիր է Երեւանի ավագանու ընտրություններն անվավեր ճանաչելու պահանջով դիմել դատարան:

Տեղական դիտորդական կազմակերպությունները մայիսի 5-ին կայացած Երեւանի ավագանու ընտրությունները համարում են բաձարձակապես ժողովրդավարության չափանիշներին անհամապատասխան են համարում:

Երեւանի թիվ 8 ընտրատարածքի տեղամասերում քվեաթերթիկների հաշվարկը եւս անցել է տարաձայնություններով:

ՀՀ նախագահ Սերժ Սարգսյանի ներկայացմամբ, Հատուկ քննչական ծառայության արդեն նախկին պետ Անդրանիկ Միրզոյանի պաշտոնանակնյության պատճառն այն է, որ Միրզոյանը չի կարողացել լուծել իր առջևր դրված խնդիրները:

Հայ հեղափոխական դաշնակցությունն ափսոսանք է հայտնում «հերթական անգամ պետության եւ իշխող կուսակցության նույնացման, վարչական ռեսուրսի անսահման կիրառման եւ համատարած ընտրակաշառքի» կապակցությամբ:

Երևանի ավագանու ընտրություններում դիտորդական առաքելություն իրականացնող միակ միջազգային կազմակերպության՝ Եվրոպայի խորհրդի տեղական և տարածքային իշխանութոյւնների կոնգրեսի միջանկյալ զեկույցը մայիսի 5-ի ընտրությունների վերաբերյալ:

Երեւանի ավագանու ընտրությունների քվեարկության օրը տեղի ունեցած ընտրախախտումների վերաբերյալ ստացված տեղեկություններով Հայաստանի ոստիկանությունում քննարկվել եւ քննարկման փուլում է գտնվում 143 դեպք:

Երևանի ավագանու ընտրություններում դիտորդական առաքելություն իրականացնող միակ միջազգային կազմակերպությունը համարում է, որ մայիսի 5-ի քվեարկության օրն անցել է «խաղաղ, կանոնավոր և ընտրությունները տեխնիկապես լավ կազմակերպված էին»: Եվրոպայի խորհրդի տեղական և տարածքային իշխանութոյւնների կոնգրեսը այս գնահատականը հայտնեց քվեարկությունից մեկ օր անց միջանկյալ զեկույց հրապարակելիս:

Կիրակի օրը անցկացված Երեւանի ավագանու ընտրություններում, Կենտրոնական ընտրական հանձնաժողովի (ԿԸՀ) հրապարակած նախնական տվյալներով, հաղթել է իշխող Հանրապետական կուսակցությունը` ստանալով քվեների 55.89 տոկոսը: Երկրորդ տեղում «Բարգավաճ Հայաստան» կուսակցությունն է, որի օգտին քվեարկել է ընտրողների 23.07 տոկոսը, իսկ երրորդ հորիզոնականը զբաղեցնում է «Բարեւ Երեւան» դաշինքը` քվեների 8.48 տոկոսով:

ՀՀ փոխոստիկանապետ Հունան Պողոսյանը Երեւանի ավագանու ընտրությունների քվեարկության ավարտից հետո ամփոփեց օրվա ընթացքում ստացված ահազանգերը: Ասաց, որ դրանց հիման վրա հարուցվել է ընդամենը երեք քրեական գործ:

10/20 եւ 10/19 ընտրատեղամասում ակտիվ հսկողություն էր իրականացնում նախորդ ընտրությունների կյապակցությամբ աղմկահարույց դեպքերից հանրահայտ Կյաժ մականունով Դավիթ Սիմոնյանը:

...

Ընտրական ողջ օրը լարված էր Մալաթիա-Սեբաստիա վարչական շրջանի թիվ 179 դպրոցում, որտեղ կողք-կողքի տեղակայված են երկու ընտրատեղամասեր` 8/08-ը եւ 8/09-ը: Գրեթե ողջ օրը դպրոցի բակում եւ շրջակայքում մարդկային կուտակումներ էին` տասնյակ տղամարդիկ տեւական ժամանակ չէին հեռանում տարածքից, մոտակայքում կայանված էին շքեղ մեքենաներ։ Ողջ օրը այս տեղամասում դիտորդները պարբերաբար վիճաբանությունների մեջ էին հայտնվում։

Առավոտից Երեւանի Նոր Նորք, Ավան, Նորագյուղ թաղամասերի ընտրատեղամասերով շրջելիս «Ազատություն» ռադիոկայանի թղթակիցը գրեթե ամենուր նկատեց տեղամասերի դիմաց կուտակված թաղային հեղինակությունների, ինչ-որ երիտասարդների, որոնք ուշադիր հետեւում էին ընտրության եկողներին, երբեմն ուղեկցում էին նրանց մինչեւ դուռը, որոշ դեպքերում էլ ներսում էին հսկում քվեարկությունը:

Թիվ 8/08 եւ 8/09 տեղամասեր այցելեց հենց այս վարչական շրջանից մեծամասնական ընտրակարգով Ազգային ժողովի պատգամավոր ընտրված` իշխող Հանրապետական կուսակցության խմբակցության անդամ Սամվել Ալեքսանյանը։ Դիմելով Հանրապետականի վստահված անձանց՝ Ալեքսանյանն ասաց. - «Եվս մեկ զանգ այս տեղամասերից՝ ինձանից չնեղանաք, ձեռքիցս չեք պրծնի»։

-

ԿԸՀ-ի իրավաբանական վարչության պետ Նունե Հովհաննիսյանը արձագանքում է լրատվամիջոցներում եւ համացանցում հայտնված ընտրախախտումների վերաբերյալ ահազանգերին:

ՀԱԿ ցուցակը գլխավորող Վահագն Խաչատրյանը քվեարկել է հանուն «իշխանությունը քաղաքացուն» կարգախոսը իրականություն դարձնելու:

Մալաթիա-Սեբաստիա համայնքի 07/15 ընտրատեղամասում ծեծկռտուք է տեղի ունեցել ԲՀԿ-ի ավագանու թեկնածու Ջիվան Պողոսյանի եւ ընտրատեղամասի հանձնաժողովի ՀՀԿ-ական նախագահ Սամվել Զախարյանի միջեւ:

Քանաքեռ-Զեյթուն համայնքի թիվ 3/23 ընտրատեղամասում «Ազատություն» ռադիոկայանը ընտրախախտման ականատես եղավ. քաղաքացի Հարություն Մինասյանը, ով եկել էր ընտրելու, բացահայտեց, որ իր փոխարեն արդեն քվեարկել են։ Ավելի ուշ այս նույն տեղամասում հանուն լուրջ արմատական փոփոխությունների, հանուն իշխանափոխության Երեւանի ավագանու ընտրություններում ընդդիմադիր ՀՅԴ ընտրացուցակը գլխավորող Արմեն Ռուստամյանը:

«Ով չի գալիս ընտրության, ուրեմն` նա դժգոհելու իրավունք չունի այլեւս», - հայտարարեց Հայաստանի առաջին նախագահը:

1/8 ընտրատեղամասում (Ավան) քվեարկությունը 22 րոպե ուշացումով է սկսվել` կնիքի բացակայության պատճառով: Ընտրատեղամասային ընտրական հանձնաժողովի նախագահ Առնակ Մանուչարյանի խոսքով, «պարզապես մոռացել էին» իրենց կնիք տալ, «ոչ մի դիտավորություն չկա»:

«Ես քվեարկել եմ զարգացող, բարեկարգ եւ ավելի հարմարավետ Երեւանի համար, ընտրել եմ համեստ եւ հստակ կառավարող տեսակ», - հայտարարեց Հայաստանի նախագահ, իշխող Հանրապետական կուսակցության առաջնորդ Սերժ Սարգսյանը, որը տիկնոջ հետ քվեարկեց թիվ 9/11 ընտրատեղամասում:

1/17 ընտրատեղամասում քաղաքացին խոնավ անձեռոցիկով մաքրել է անձնագրի կնիքը՝ վնասելով անձնագրի թուղը: Կազմվել է արձանագրություն:

-

Արմեն Մարտիրոսյանը քվեարկեց այն քաղաքական ուժի օգտին, որը նպատակադրվել է փոխել կառավարման համակարգը Երեւանում:

ԲՀԿ ցուցակը գլխավորող Վարդան Օսկանյանը քվեարկեց «հանուն երկրի ապագայի», լրագրողների հետ զրույցում նա հայտարարեց, որ ընտրախախտումների մասին առավոտից ստացվող ահազանգերը «լուրջ կասկածների տեղիք են տալիս, որ ընտրությունները ուղղորդվում են»:

Երեւանի քաղաքապետ Տարոն Մարգարյանը ընտանիքի ուղեկցությամբքվեարկեց Ավան վարչական շրջանում տեղակայված 1/17 ընտրատեղամասում։ Քվեարկելուց հետո լրագրողների հետ զրույցում Տարոն Մարգարյանն ասաց՝ պատկերացնում է «ավելի լավ Երեւան»։ Այն դիտարկմանը, որ արդեն իսկ տեղեկություններ կա ՀՀԿ–ն ընտրակաշառք է բաժանվում եւ հենց իր քվեարկած տեղամասում անձնագրում դրված կնիքը ցնդել է, Մարգարյանը պատասխանեց, որ դատապարտում է ընտրակաշառքների փաստերը եւ խորհուրդ տվեց դիմել պատկան մարմիններին։

Կենտրոնի ընտրատեղամասերում առավոտյան ակտիվություն չէր նկատվում:

Երեւանի թիվ 2/23 ընտրատեղամասում հանձնաժողովի անդամները քվեաթերթիկները հաշվելիս հայտնաբերել են, որ դրանք 100-ով պակաս են: Ժառանգություն կուսակցության անդամ Ստյոպա Սաֆարյանն ասում է, որ պատճառը կարող է տեխնիկական լինել, բայց նաեւ չի բացառում միտումը, ինչի շնորհիվ կարող են խախտումներ իրականացվել քվեարկության ժամանակ:

Մայիսի 5-ին Երեւանը նոր քաղաքապետ է ընտրում: Քվեարկությունը սկսվել է առավոտյան ժամը 8-ին: Ոստիկանության ուրբաթ օրը հրապարակած տվյալներով՝ մայրաքաղաքի ընտրողների վերջնական թիվն է 816 հազար 475: Ավագանու 65 տեղի համար պայքարում են յոթ քաղաքական ուժեր:

Հայ Յեղափոխական Դաշնակցությունը Երեւանի ավագանու ընտրությունների քարոզարշավի շրջանակներում այսօր անցկացրեց իր եզրափակիչ հանրահավաքը:

Երեւանի ավագանու ընտրությունների քարոզարշավի վերջին օրն էլ ՀՀԿ-ի ցուցակը գլխավորող Տարոն Մարգարյանը խուսափեց պատասխանել իր հայտարարագրած մի քանի միլիոն դոլար գնահատվող ունեցվածքի ծագմանը վերաբերող հարցերին:

Քարոզարշավի վերջին օրը եւս գործող քաղաքապետ, քաղաքապետի թեկնածու Տարոն Մարգարյանը խուսափեց լրագրողների հարցերից, մասնավորապես իր ունեցվածքի մասին հարցերին այդպես էլ չպատասխանեց:

Ոստիկանության Նաիրիի բաժնի պետ Կորյուն Հարությունյանի ընտանիքի անդամները, հարազատները համոզված են, որ բազմամյա ոստիկանը չէր կարող ինքնասպան լինել և, որ գնդապետ Կորյուն Հարությունյանին սպանել են:

Երեւանի բնակելի, հատկապես նորակառույց շենքերի հիմքերի ամրության մասին մասնագետների կարծիքները հակասական են: Մի մասն ասում է, որ դրանք թույլ են, քանի որ անհրաժեշտ ուսումնասիրություններ չեն արվում, մյուս մասը կարծում է, որ ռիսկային են համարվում ոչ թե նորակառույց, այլ հին, հատկապես հինգհարկանի շենքերը:

«Ազատություն» ռադիոկայանը Երեւանի ավագանու ընտրությունների քարոզարշավի վերջին օրը հարցումներ է անցկացրել մայրաքաղաքի կենտրոնում:

«Ժառանգության» կուսակցության փոխնախագահ Արմեն Մարտիրոսյանի ներկայացմամբ` ՀՀԿ-ն ու ԲՀԿ-ն ամբողջ Երեւանով սկսել են ընտրակաշառք բաժանել:

Մայիսի 2-ին Ազատություն հրապարակում «Բարգավաճ Հայաստան»-ի անցկացրած հանրահավաքը ավելի բազմամարդ էր, քան ավագանու ընտրությունների քարոզարշավի ընթացքում այստեղ կազմակերպված ՀԱԿ-ի եւ «Ժառանգության» հանրահավաքները:

«Ազատություն» ռադիոկայանի հայկական ծառայության ղեկավար Հրայր Թամրազյանի հարցազրույցը ՀՀԿ փոխնախագահ, Կրթության եւ գիտության նախարարի պաշտոնակատար Արմեն Աշոտյանի հետ:

.

Երեւանի քաղաքապետ, ավագանու ընտրություններում իշխող Հանրապետականի ընտրացուցակի առաջին տեղը զբաղեցնող Տարոն Մարգարյանն ավարտին մոտեցող քարոզարշավը գնահատում է «շատ լավ»:

«Ժառանգություն» կուսակցության ղեկավար Րաֆֆի Հովհաննիսյանը այսօր «Ազատություն» ռադիոկայանի հետ զրույցում հայտարարեց, թե ընտրախախտումների եւ անպատժելիության առումով նախագահական ընտրություններից հետո քիչ բան է փոխվել: Ընդդիմադիր առաջնորդը մասնակցում էր «Բարեւ, Երեւան» դաշինքի նախընտրական հանդիպումներին Ավան վարչական շրջանում:

Գավառը Հայաստանի աշխատատեղերի սակավությամբ աչքի ընկնող բնակավայրերից մեկն է: Բնակիչներն ասում են, թե բոլորն արտագաղթում են՝ բացի ծերերից ու հիվանդներից: Ապրուստի միակ միջոցը արտագնա աշխատանքն է, թեեւ Գեղարքունիքի մարզպետ Ռաֆիկ Գրիգորյանն գտնում է, որ «ճիշտ են անում, որ գնում են մարդիկ»: Ողջունում է, որ արտագնա աշխատանքի մեկնողների թիվը գնալով աճում է:

Մայիսի 2-ի առավոտյան` ժամը 10:30-ի սահմաններում, Հրազդան քաղաքի մոտ գտնվող գերեզմանատանը հայտնաբերվել է Ոստիկանության Նաիրիի բաժնի պետ Կորյուն Հարությունյանի դին` հրազենային վնասվածքով:

Մայիսի 2-ին կառավարությունը բացասական եզրակացություն տվեց նախկին վարչապետ, ԱԺ ՀԱԿ խմբակցության պատգամավոր Հրանտ Բագրատյանի հեղինակած նախագծին, որով պատգամավորն առաջարկում էր օֆշորային գոտիներում գրանցված ընկերությունների գործունեությունը Հայաստանի հանքարդյունաբերության ոլորտում դադարեցնել:

Երեւանի ավագանու ընտրություններում ՀՅԴ ընտրացուցակը գլխավորող Արմեն Ռուստամյանը Քանաքեռ-Զեյթուն վարչական շրջանի բնակիչների հետ հանդիպմանը ընդգծեց, որ ընդդիմադիր այլ ուժերը պետք է կարեւոր մի հայտարարությամբ հանդես գան:

Րաֆֆի Հովհաննիսյանի համոզմամբ` Երեւանի ավագանու ընտրություններին մասնակցող քաղաքական ուժերից ոչ մեկին չի հաջողվելու 40 տոկոս քվե ստանալ:

Ոչ իշխանական «Բարգավաճ Հայաստան» կուսակցությունը (ԲՀԿ) հեգնանքով է վերաբերվում Ազգային վիճակագրական ծառայության երեկ հրապարակած տվյալներին, ըստ որոնց Հայաստանում արձանագրվել է 7.2 տոկոս տնտեսական աճ:

«Ազատություն» ռադիոկայանի հայկական ծառայության ղեկավար Հրայր Թամրազյանի հարցազրույցը Երեւանի ավագանու ընտրություններում ՀԱԿ կուսակցության ցուցակը գլխավորող Վահագն Խաչատրյանի հետ:

Արագածոտնի մարզի 12 գյուղերի բնակիչներ զրկվել են խմելու եւ ոռոգման ջրից, քանի որ Ամբերդ գետի վրա կառուցված երեք ՀԷԿ-երը խլում են գյուղերի համար նախատեսված գրեթե ողջ ջուրը:

Երեւանի ավագանու ընտրություններում Հանրապետական կուսակցության ցուցակը գլխավորող, Երեւանի գործող քաղաքապետ Տարոն Մարգարյանն այսօր ընտանիքի հետ այցելել էր կենդանաբանական այգի ոչ թե քարոզչություն անելու, այլ երեխաների հետ կենդանիներին կերակրելու եւ ընտանիքի հետ հանգիստը կազմակերպելու համար:

Ռուսաստանի Լիբերալ դեմոկրատական կուսակցության ներկայացուցիչները 300-ական ռուբլի են բաժանում Մոսկվայում տեղի ունեցած մայիսմեկյան հանրահավաքի մասնակիցներին: Մոտակայքում աշխատավորների բողոքի երթ անցկացնող մի խումբ երիտասարդներ եւ հասարակական ակտիվիստներ, ովքեր ականատես են դարձել տեղի ունեցածին, բողոքում են կուսակցականների դեմ: Оператор: Дмитрий Ехилевский

Ինչպես աշխարհի այլ երկրներում, այնպես էլ Հայաստանում մայիսի 1-ին նշվում է աշխատավորների միջազգային օրը: Այսօր երեւանցիները մասնակցելով տոնին նվիրված ավանդական շքերթին, փաստում էին, որ աշխատավորների իրավունքները Հայաստանում պաշտպանված չեն:

Մասնագիտությամբ ինժեներ-մետալուրգ Վահան Սարգսյանն արդեն 7 տարի հմտանում է բարմենի գործում: Ասում է, որ աշխատանքը լավ անելու համար պետք է նախ լինել հոգեբան, հետո՝ վաճառող: Նա բարմենական գործը համարում է արվեստի ճյուղ: