Բաքուն վաղուց նպատակ ունի իրականացել մշակութային ցեղասպանություն Արցախում և այսօր էլ չի թաքցնում իր այդ ցանկությունը, «Ազատության» «Կիրակնօրյա վերլուծական Հրայր Թամրազյանի հետ» հաղորդման ժամանակ ասաց քաղաքագետ, Կոլորադոյի համալսարանի դասախոս Սիմոն Մաղաքյանը։
«Բաքուն վաղուց էլ պատրաստ է եղել, ցանկություն ունի, նպատակ ունի իրականացել մշակութային ցեղասպանություն Արցախում և այն բոլոր տեղերում, որտեղ հայությունն ունեցել է բնիկ ներկայություն հազարամյակներ շարունակ։ Դա տեղի ունեցավ 1997 և 2006 թվականներ ընթացքում Նախիջևանում և ամբողջովին բնաջնջվեց հայկականության ամեն մի հետք, դա որոշ չափով արդեն սկսվել է ադրբեջանական վերահսկողության տակ գտնվող հայկական մշակութային կոթողների հանդեպ, մանավանդ նրանց, որոնք մոտ են ճանապարհաշինարարական գործողություններին՝ հիմնականում գերեզմանոցներ», - ասաց քաղաքագետը։
Բաքվի ցանկություններից մեկը հայության բարոյալքումն է, որ հայությունն իսպառ մոռանա Արցախի մասին՝ ասաց Մաղաքյանը՝ շեշտելով՝ Ադրբեջանի համար ոչ միայն ֆիզիկական բնաջնջումն է կարևոր, այլև այն ցավը, տրավման, որ պետք է պատճառի հայությանը։
«Այսօրվա պահվածքը նրա [Բաքվի] զարմանալի չէ, բայց չի նշանակում, որ մենք որպես ակադեմիկոսներ, պետականություն, համայնք, անհատներ, պետք է նստենք և ողբանք, և չպետք է փորձենք ինչ-որ բան ձեռնարկել այդ ամենը ավարտին հասցնելու համար և փրկենք այն, ինչ կարող ենք», - ասաց Մաղաքյանը։
Հարցազրույցն ամբողջությամբ կարող եք դիտել ստորև․
